မှတ်သားစရာများနှင့်နည်းပညာများ: မိနု သူ့ကြွေးရှိရင်ဆပ်ရလိမ့်မယ်

မှတ်သားစရာများနှင့်နည်းပညာများ: မိနု သူ့ကြွေးရှိရင်ဆပ်ရလိမ့်မယ်

မိနု သူ့ကြွေးရှိရင်ဆပ်ရလိမ့်မယ်

``ယူထားရင်http://colourful-flatlet.blogspot.com/2013/08/blog-post_30.html?m=1´´

ဒီရက်ပုိုင်း ပုဂ္ဂလိကသတင်းစာ ဂျာနယ်တွေမှာပဲဖြစ်ဖြစ် Facebookလို လူမှုဆက်ဆံရေး အင်တာနက်စာမျက်နှာတွေမှာပဲဖြစ်ဖြစ် ကြီးစိုးနေရာယူထားတဲ့ သတင်းကတော့ စစ်ကိုင်း တိုင်း ချင်းပြည်နယ် မကွေးတုိုင်းနဲ့ ရခိုင်ပြည်နယ်တုို့မှာ ဖြစ်ပေါ်ခဲ့တဲ့ ရေဘေးဒုက္ခသတင်း များပဲဖြစ်ပါတယ်။ ထိုရေဘေးဒုက္ခသတင်းများကို ဖတ်ရှု့နေရင်းနဲ့ ဆရာတော်ဦးဗုဓ်ရဲ့ စကားကိုတစ်ခွန်းကို အမှတ်ရမိပါတယ်။

ဆရာတော်ဦးဗုဓ်ရဲ့ငယ်နာမည်က မောင်ပုပ်ဖြစ်ပါတယ်။ ငယ်စဉ်ကလေးဘ၀တုန်းက အနာပေါက်ပြီး အပုပ်နံ့ထွက်တာကို အစွဲပြုပြီး မောင်ပုတ်လို့ ခေါ်ဆိုခဲ့တာဖြစ်ပါတယ်။ မောင်ပုပ်ကနေ ဦးပုပ် ဦးကနေ ဦးဗုဓ်ဖြစ်သွားခဲ့တာပါ။ သက္ကရာဇ်၁၁၄၉ ခုနှစ် နယုန်လ ပြည့်ကျော်၅ရက် အင်္ဂါနေ့မှာ မုံရွာမြို့အနီး အလုံမြို့နယ် ညောင်ကန်ရွာနေ ဦးအုို ဒေါ်မွှေး တုို့က ဖွားမြင်ခဲ့တာဖြစ်ပါတယ်။ ဆရာတော်ဦးဗုဓ်က တစ်ဦးတည်းသောသားလည်းဖြစ်ပါ တယ်။ အရွယ်နဲ့မလိုက်အောင် တည်ကြည်ငြိမ်သက်စွာ နေလေ့ရှိသူလည်းဖြစ်ပါတယ်။ ဆရာတော်ဦးဗုဓ်ရဲ့ ရဟန်းနာမည်မှန်က “ဇမ္ဗုဓဇ”ဖြစ်ပါတယ်။

စစ်ကိုင်းတံတားကြီးပေါ်ကနေ ဒုဋ္ဌ၀တီမြစ်အဆုံးနဲ့ ဧရာဝတီမြစ်ကမ်းအကြားရှိ အင်းဝမြို့ ဟောင်းနေရာကို လှမ်းမျှော်ကြည့်လိုက်ရင် အုတ်တုိုက်ဝါကြီးတစ်ခုကို အလွယ်တကူမြင် တွေ့ပါလိမ့်မယ်။ ထိုအုတ်တုိုက်ကြီးက ကုန်းဘောင်ခေတ်က တည်ဆောက်ထားတဲ့ ဗုဒ္ဓ ဘာသာဘုန်းကြီးကျောင်း တစ်ကျောင်းဖြစ်ပါတယ်။ ထိုကျောင်းကို ဘကြီးတော်မင်းရဲ့ မိဖု ရားခေါင်းကြီးမယ်နုက ဆောက်လုပ်လှူဒါန်းလို့ မယ်နုအုတ်ကျောင်းလို့ ခေါ်ဆိုကြပါတယ်။ ကျောင်းတုိုက်မူလနာမည်က အောင်မြေဘုံစံကျောင်းဖြစ်ပါတယ်။ ထိုကျောင်းရဲ့ ပထမဆုံး ကျောင်းထုိုင်ဆရာတော်ကြီးက ဦးဗုဓ်ရဲ့ဇာတိရွာညောင်ကန်သားလည်းဖြစ် ဦးဗုဓ်ရဲ့ဆရာ လည်းဖြစ်တဲ့ ညောင်ကန်ဆရာတော်ဦးပိုးပဲဖြစ်ပါတယ်။ ညောင်ကန်ရွာက စာတတ်ပေ တတ် အကျော်အမော်ဆရာတော်ကြီးတွေ အများကြီးပဲထွက်ရှိခဲ့ပါတယ်။

သက္ကရာဇ်  ၁၁၉၁ခုနှစ် တန်ခူးလမှာ အောင်မြေဘုံစံ မယ်နုအုတ်ကျောင်းဆရာတော်ကြီး ဦးပိုး ပျံလွန်တော်မူပါတယ်။ ဦးပိုးပျံလွန်တော်မူတဲ့အခါမှာ မန်းကျည်းတောဆရာတော်နဲ့ မြသိန်းတန်ဆရာတော်တုို့ကို အောင်မြေဘုံစံ မယ်နုအုတ်ကျောင်းရဲ့ ကျောင်းထိုင်အဖြစ် တင်မြှောက်ကြဖို့ စီမံကြပါတယ်။ ထုိုအခါမှာ ဆရာတော်ဦးပိုးရဲ့တပည့်ရဟန်းတော်များက မကျေနပ်မဖြစ်ပြီး “မန်းကျည်းတောဆရာတော်နဲ့ မြသိန်းတန်ဆရာတော်တုို့လောက် စာ တတ်ပြီး ဆရာတော်ဦးပိုးနေရာကို ဆက်ခံနုိုင်တဲ့သူ ဆရာတော်ဦးပိုးတပည့်တွေထဲမှာ ရှိပါ သေးတယ်။ မယုံလျှင် သုဓမ္မာတွင် သုံးရက်တုိုင်တုိုင် စာမေးစာစစ်ခံပါမယ်”လို့ ဘုရင်ဆီ ကို စာသွင်းကြပါတယ်။ ဘုရင်ကလည်း “နည်းလမ်းကျပါတယ်။ စာမေးစာစစ်ခံမယ့်သူကို သာ စာရင်းပေးပါ”လုို့ အကြောင်းပြန်ပါတယ်။

ထိုအခါမှာ ဆရာတော်ဦးပိုးရဲ့တပည့်များက ဦးဗုဓ်နဲ့အလွန်ရင်းနှီးတဲ့ ရေပုတ္တလင်ဆရာ  တော်ဦးဥာဏထံသွားရောက်ပြီးတော့ ဆရာတော်ဦးဗုဓ်ကို သုဓမ္မာမှာ စာမေးစာစစ်ခံပေးဖို့ ရန်အတွက် တုိုက်တွန်းပေးပါလုို့ လျှောက်ထားကြပါတယ်။ ဆရာတော်ဦးဥာဏက  ဦးဗုဓ် ကို အကျိုးအကြောင်းလျှောက်ထားတဲ့အခါမှာ ဆရာတော်ဦးဗုဓ်က “ကုိုဥာဏ မင်းဆရာ မလုပ်ချင်ဘူး။ မင်းဆရာလုပ်ရတာ  စာကြည့်ပျက်တယ်။ နေပြည်တော်မှာ မနေလိုဘူး”လို့ ပြောဆုိုပြီး ငြင်းဆိုပါတယ်။ ဆရာတော်ဦးဥာဏက လက်မလျှော့ပဲ ဇွဲကောင်းကောင်းနဲ့ နည်းလမ်းအမျိုးမျိုးနဲ့ အကြိမ်ကြိမ်တုိုက်တွန်းတဲ့အခါမှာ ဆရာတော်ဦးဗုဓ်က မငြင်းသာ တော့တာကြောင့် သုဓမ္မာမှာ စာမေးစာစစ်ခံဖုို့ ကတိပေးလုိုက်ပါတယ်။ဆရာတော်ဦးပိုးရဲ့ တပည့် ညောင်ကန်ရွာနေ ဆရာတော်ဦးဗုဓ်က သုဓမ္မာမှာ စာမေးစာစစ်ခံမယ်လုို့ နန်းတော် ကို စာသွင်းတဲ့အခါမှာ နန်းတော်က မဟာဒါန်ဝန်ကို ညောင်ကန်ကိုစေလွှတ်ပြီးတော့ ဆရာ တော်ဦးဗုဓ်ကို ပင့်ခိုင်းပါတယ်။ မဟာဒါန်ဝန်ရောက်လာတဲ့အခါမှာ ဆရာတော်ဦးဗုဓ်က “ငါ အခု မလိုက်သေးဘူး။ ရာသီဥတုကောင်းမွန်တဲ့အခါကျမှ နေပြည်တော်ကို လာခဲ့မယ်”လို့ ပြောလိုက်ပါတယ်။ နွေဦးပေါက် တပေါင်းလမှာ ဆရာတော်ဦးဗုဓ် ညောင်ကန်ရွာကနေ အင်းဝနေပြည်တော်ကို ဧရာဝတီမြစ်ထဲကနေ လှေနဲ့ကြွတော်မူပါတယ်။

ဆရာတော်ဦးဗုဓ်နေပြည်တော်ရောက်ရှိတဲ့အခါမှာ စာမေးစာစစ်ခံမည့်သူ ရောက်ရှိလာပြီ ဖြစ်ကြောင်း နန်းတော်ကို စာသွင်းကြပါတယ်။ နန်းတော်က မန်းကျည်းတောဆရာတော် မြသိန်းတန်ဆရာတော်အမှူးပြုတဲ့ သုဓမ္မာဆရာတော်ကြီးများကို စာမေးစာစစ်ပုဂ္ဂိုလ်များ အဖြစ်ခန့်အပ်ပြီးတော့ ဆရာတော်ဦးဗုဓ်ကို စာပေကျမ်းဂန်များ မေးမြန်းစစ်ဆေးစေပါ တယ်။ မူလက သုံးရက်မေးဖို့ စီမံထားသော်လည်း တကယ်မေးတဲ့အခါမှာတော့ ငါးရက် တုိုင်တိုင် မေးမြန်းစစ်ဆေးပါတယ်။ မေးမြန်းသမျှကို တွေဝေတုန့်ဆုိုင်းခြင်းမရှိပဲ ကြာရိုး တွေကို ဓားထက်ထက်နဲ့ဖြတ်ချသလို ဖြေဆုိုပါတယ်။

ခြောက်ရက်မြောက်နေ့မှာ စာမေး စာစစ်ဆရာတော်များက “အတုလပုဒ်ကုို ၀ိဂြိုဟ်လုပ်ပြီး ဓာတ်ပစ္စည်းအရကောက်ပြပါ”လို့ မေးမြန်းပါတယ်။ ထို အခါမှာ ဆရာတော်ဦးဗုဓ်က “ဆရာတော်တုို့ ငါးရက်တုိုင်တုိုင် ခက်ရာခက်ဆစ်များကို ရှာဖွေမေးမြန်းပြီးမှ ကုိုရင်ငယ်ကို မေးတာမျိုး အခုမေးနေတာဟာ မသိလို့ မေးနေတာလား။ သိလျက်နဲ့မေးရင် အာပတ်သင့် မယ်”လို့ လျှောက်ထားလိုက်တဲ့အခါမှာ စာမေးစာစစ်ပုဂ္ဂိုလ်များ ငြိမ်ကျသွားပါတယ်။ ထို အခါမှာ ဆရာတော်ဦးဗုဓ်က အနားမှာရှိနေတဲ့ ရေပုတ္တလင်ဆရာတော်ဦးဥာဏကို “ကိုဥာ ဏ သုဓမ္မာဆရာတော်များ မေးမြန်းသည်ကို ဒီက မဖြေနုိုင်တာမရှိ။ ဒီကများ ပြန်မေးလိုက် ရင် ဘယ်လိုနေမယ်မသိဘူး”လို့ ပြောဆုိုလိုက်တဲ့အခါမှာ အနားရှိနေတဲ့ ၀န်ကြီးများက “စာ မေးမြန်းပွဲ ပြီးပါပြီ”လို့ အမြန်ကြေငြာလိုက်ရပါတယ်။

စာမေးပွဲအောင်မြင်တဲ့ ဆရာတော်ဦးဗုဓ်ကို အောင်မြေဘုံစံမယ်နုအုတ်ကျောင်းရဲ့ ကျောင်း ထုိုင်ဆရာတော်အဖြစ် တင်မြှောက်လုိုက်ပါတယ်။ အာဏာထက်တဲ့မိဖုရားခေါင်ကြီးရဲ့ ကျောင်းထိုင်ဆရာတော်ဖြစ်တာကြောင့် မင်းမိဖုရားနဲ့ ၀န်ကြီးများက ကိုးကွယ်ဆည်းကပ် ကြပါတယ်။ သို့သော်လည်း ဆရာတော်ဦးဗုဓ်ကတော့ ဘုရင် မိဖုရား  ၀န်ကြီးများနဲ့ အကျွမ်းတ၀င်မနေသလို ထိုသူများကို အဖက်လုပ်ပြီး စကားတောင်မပြောပါဘူး။ သူ့စာ သူ ဖတ်နေလေ့ရှိပါတယ်။ သို့သော်လည်း မိဖုရားခေါင်ကြီးက အကြည်ညိုမပျက်ပါဘူး။ ရဟန်းစစ်ရဟန်းမှန်ဆုိုပြီး တုိုးလို့သာ ကြည်ညိုလေးမြတ်စွာ ဆည်းကပ်ကိုးကွယ်ပါတယ်။

၁၁၉၉ ခုနှစ် ကဆုန်လဆုတ် ၁၂ရက်နေ့မှာ ဘကြီးတော်မင်းနဲ့မိဖုရားခေါင်ကြီးမယ်နုတုို့ကို အိမ်ရှေ့မင်းဖြစ်တဲ့ သာယာဝတီမင်းသားက နန်းချလိုက်ပါတယ်။ ၁၂၀၀ပြည့်နှစ်မှာ ဘုရင် သစ်ဖြစ်တဲ့ သာယာဝတီမင်းက နန်းတော်ကုို အင်းဝကနေ အမရပူရကုို ပြန်လည်ပြောင်း ရွှေ့ပါတယ်။ ဆရာတော်ဦးဗုဓ်ကိုလည်း အင်းဝရှိ အောင်မြေဘုံစံမယ်နုအုတ်ကျောင်းက နေ အမရပူရမြို့ (ယခုမန္တလေးမြို့) မဟာမုနိရုပ်ရှင်တော်မြတ်ကြီးရဲ့ အရှေ့မုဒ်အနီးရှိ မင်္ဂလာဘုံကျော်ညောင်ကန်တုိုက်ကို ပြောင်းရွှေသီတင်းသုံးဖို့ သာယာဝတီမင်းက ပင့်လျှောက်တာကြောင့် ဆရာတော်ဦးဗုဓ်ဟာ အင်းဝမယ်နုအုတ်ကျောင်းကနေ အမရပူရ မင်္ဂလာဘုံကျော်ညောင်ကန်တုိုက်ကို ပြောင်းရွှေ့သီတင်းသုံးရပါတယ်။ ယခုအခါမှာ မဟာ မြတ်မုနိလို့ မြတ်တစ်လုံးအပိုထည့်သုံးနေကြပါတယ်။ အမှန်က မဟာမုနိဖြစ်ပါတယ်။ မြတ် မပါပါဘူး။ မဟာက ကြီးကျယ်မြင့်မြတ်သောလို့ အနက်အဓိပ္ဗါယ်ထွက်ရှိပါတယ်။ ဒါက စကားစပ်လို့ပါ။

သာယာဝတီမင်းဟာ နန်းကျဘုရင်ဘကြီးတော်မင်းနဲ့ မိဖုရားခေါင်ကြီးမယ်နုကို မကွပ်မျက် ပဲ နေအိမ်အကျယ်ချုပ်ထားရှိပါတယ်။ ၁၂၀၂ခုနှစ်မှာ မိဖုရားခေါင်ကြီးမယ်နုက ပုန်ကန်ရန် ကြံစည်တာကြောင့် ကွပ်မျက်ဖို့ရန်အတွက် သာယာဝတီမင်းက အမိန့်ချမှတ်ပါတယ်။ ထို အခါမှာ မိဖုရားခေါင်ကြီးမယ်နုက “ငါသည် ဤဘ၀၌ မြင့်မြတ်သောအခြေအနေသုို့ ရောက် ရှိခံစားခဲ့ရပြီး မရေမတွက်နိုင်သော ကောင်းမှုကုသုိုလ်များလည်း ပြုစုအားထုတ်ခဲ့ရပြီ။ သေ ရမည်ကို တွေးဆပူပန်ခြင်း ကြောက်ရွံ့ခြင်းမရှိလှပါ။ သုို့သော် ငါကိုးကွယ်သော ငါ၏ဆရာ ရင်းဖြစ်သော ဦးဗုဓ်ကို နောက်ဆုံးဖူးမြင်ကန်တော့လိုသည်။ မင်္ဂလာဘုံကျော်တုိုက်သုို့ ငါ သွားရောက်နိုင်ရန် အခွင့်ပေးနိုင်ကြမလား”လို့ မြို့တော်ဝန်ကို မေးမြန်းပါတယ်။ မြို့တော် ၀န်ကလည်း ရှေ့ကရှိခဲ့ဖူးတဲ့ ကျေးဇူးတရားများကို ထောက်ထားပြီးတော့ သွားရောက်ဖူး မြင်ခွင့်ပေးပါတယ်။

မင်္ဂလာဘုံကျော်တုိုက်ကို မိဖုရားခေါင်ကြီးမယ်နု ရောက်ရှိသွားတဲ့အချိန်မှာ ဆရာတော် ဦးဗုဓ်က စာဖတ်နေခိုက်ဖြစ်ပါတယ်။ မိဖုရားခေါင်ကြီးမယ်နုဟာ ဆရာတော်ကို ရှိခိုးဦးချပြီး တော့ “ဘုရားတပည့်တော်မသည် သာယာဝတီမင်း၏ဘုန်း ဖုံးအုပ်လာ၍ သူ၏အာဏာ စက်ဖြင့် အဆုံးစီရင်ခြင်း ခံရပါတော့မည်။ ဤနေ့ကား ဆရာတော်ဘုရားကို နောက်ဆုံးဖူး မြင်ကန်တော့ခြင်း ဖြစ်ကြောင်းပါဘုရား”လို့ လျှောက်ထားလိုက်ပါတယ်။

ထိုအခါမှာ ဆရာတော်ဦးဗုဓ်က စာကြည့်နေရာကနေ မိဖုရားခေါင်ကြီးမယ်နုရှိရာဘက်ကို မျက်နှာမူပြီးတော့ “မိနု သူ့ကြွေးရှိလျှင် ဆပ်ရလိမ့်မည်”လို့ မိန့်တော်မူလိုက်ပါတယ်။ ထို့ နောက် မိဖုရားခေါင်ကြီးမယ်နုဟာ ဆရာတော်ကို ရှိခိုးဦးချပြီးတော့ ကျောင်းပေါ်ကနေ ၀မ်းသာရွှင်ပျစွာနဲ့ ဆင်းသွားပါတော့တယ်။ ထုိုတရားကြောင့် မိဖုရားခေါင်ကြီမယ်နုဟာ ကြောက်ရွုံ့တုန်လှုပ်ခြင်းကင်းစွာနဲ့ ကွပ်မျက်ခံခဲ့တယ်လို့ သမုိုင်းမှတ်တမ်းများက ဆုိုပါ တယ်။

ပြီးခဲ့တဲ့ နယကလက်ထက်ကစလို့ ယနေ့တိုင်အောင် မိမိတုို့နုိုင်ငံရှိ သစ်တောများဟာ စည်း ကမ်းမရှိ သစ်ထုတ်ခံခဲ့ရပါတယ်။ ပြည်တွင်းသစ်လုပ်ငန်းရှင်ကြီးများက အာဏာရှိသူများနဲ့ သဘောတူညီချက်ရယူပြီး စည်းကမ်းမဲ့သစ်ခုတ်ခဲ့သလို တုိုင်းရင်းသားလက်နက်ကိုင်တပ် ဖွဲ့များကလည်း ဗရမ်းပတာသစ်ခုတ်ခဲ့ကြပါတယ်။ တရုတ် ထုိုင်းစတဲ့ အိမ်နီးခြင်းနုိုင်ငံများ ကလည်း တစ်တောလုံးအပြောင်းရှင်းစနစ်နဲ့ သစ်ခုိုးခုတ်နေကြပါတယ်။ သစ်တောတင် လားဆုိုတော့ မဟုတ်ပါဘူး။ ရွှေ ကျောက်စိမ်း ကြေးစသဖြင့် မြေအောက်သယံဇာတတွေ လည်း စည်းကမ်းမရှိ ထုတ်ယူခံခဲ့ရပါတယ်။ ထိုကဲ့သို့ စည်းကမ်းမရှိခြင်းရဲ့ အကျိုးဆက်အ နေနဲ့ ရာသီဥတုများဖောက်ပြန်ပြီးတော့ မုန်တုိုင်းများတုိုက်ခတ်ခြင်း ငလျင်များလှုပ်ခြင်း ရေ ကြီးခြင်း မြေပြိုခြင်း မြစ်ချောင်း အင်းအိုင်များ တိမ်ကောခြင်းစတဲ့ သဘာဝဘေးအန္တရာယ် များကျရောက်ပြီး ပြည်သူလူထုရဲ့ အသက်အိုးအိမ်စည်းစိမ်များ ထိခိုက်ဆုံးရှုံးခဲ့ရပါတယ်။

ခုနှစ်လပိုင်းနောက်ဆုံးပတ်လောက်က ချင်းပြည်နယ် စစ်ကုိုင်းတုိုင်းဒေသကြီး မကွေးတုိုင်း ဒေသကြီး ရခိုင်ပြည်နယ်တို့မှာ မုိုးများသည်းထန်စွာရွာသွန်းပြီးတော့ လူနေနှစ်ထပ်အိမ်များ ပါ နစ်မြုပ်ကုန်တာကြောင့် လူတွေရော တိရိစ္ဆာန်တွေပါ သေကြေပျက်စီးခဲ့ရပါတယ်။ ဆင်း ရဲဒုက္ခအတိရောက်ခဲ့ကြရပါတယ်။ ရေနစ်မြုပ်ပြီး လယ်ယာမြေများ ဧကသိန်းပေါင်းများစွာ ပျက်စီးဆုံးရှုံးခဲ့ရပါတယ်။ အချို့ကျေးရွာတွေဟာ ရေပြန်ကျသွားတဲ့အခါမှာတောင် ဆက် လက်နေထိုင်လို့မရတော့လောက်အောင် ပျက်စီးသွာားတာဖြစ်လို့ ရွာပြောင်းရွှေ့နေထုိုင်ဖို့ စီစဉ်နေကြရပါတယ်။ မြန်မာနုိုင်ငံအ၀ှမ်းရှိ ပြည်သူလူထုများက ရေဘေးဒုက္ခသည်များ အတွက် နည်းလမ်းအမျိုးမျိုးနဲ့ ရှာဖွေထောက်ပံ့လှူဒါန်းနေကြရဆဲ ဖြစ်ပါတယ်။ ကမ္ဘာ့နုိုင်ငံ အသီးသီးကပါ ၀ိုင်းဝန်းထောက်ပံ့လှူဒါန်းပေးနေကြရပါတယ်။ ပျက်စီးဆုံးရှုံးမှုတန်ဖိုးက ဒေါ်လာဘီလျံချီပါလိမ့်မယ်။

နယကလက်ကထကစလို့ ယနေ့တုိုင်အောင် လူတစ်စုက သဘာဝတရားကြီးဆီကနေ သစ် တောများ မြေပေါ်မြေအောက်သယံဇာတများကို လောဘဇောတုိုက်ပြီး စည်းကမ်းမဲ့စွာနဲ့ မ တော်မတရားရယူပြီး ကြွယ်ဝချမ်းသာနေကြပါတယ်။ အခုအခါမှာတော့ သဘာဝတရား ကြီးက သူ့ဆီကနေ မတော်မတရားရယူထားတာတွေကို အတုိုးရောပါ အရင်းပါ ပြန်လည် ယူငင်လိုက်တဲ့ သဘောသာဖြစ်ပါတယ်။ နောက်ထပ်နောက်ထပ်လည်း သဘာဝတရားကြီး က လူတွေဆီကနေ သူ့ပိုင်ဆုိုင်မှုတွေကို မလွဲမသွေ ပြန်လည်ယူငင်ဦးမှာဖြစ်ပါတယ်။

လူတစ်စုဆီကသာမက လူအားလုံးဆီကနေ ပြန်လည်ယူငင်လိုက်တာဟာ သဘာဝတရား ကြီးအနေနဲ့ တရားသလား မတရားဘူးလား၊ ဒါမှမဟုတ် မတရားယူငင်နေတဲ့ လူတစ်စုကို တားဆီဖို့ လူသားတွေအားလုံးမှာ တာဝန်ရှိတယ်လို့ သဘာဝတရားကြီးက သတိပေးလိုက် တာလား၊ ပြည်သူလူထုကြီးဟာ သဘာဝတရားကြီးနဲ့ လူတစ်စု စာရှင်းကြရာမှာ မြေဇာပင် ဖြစ်ကြရတာလားလို့ အတွေးပွားမိပါတယ်။ သေချာတာကတော့ ယူထားရင် ပြန်ပေးရမယ် ဆိုတာပါပဲ။ (မုိုးသု-မန္တလေး)

ယနေ့ထုတ် The Voice Dailyပါ ဆောင်းပါးဖြစ်သည်။

စရိုက်ပြင်နည်း

စရိုက်ပြင်နည်း

***********

စရိုက်ပြင်ချင်တယ်။ ဘာနဲ့ ပြင်မလဲ။

“ရာဂစရိုက်”

အလှအပတွေ သိပ်ကြိုက်တယ်နော်။
မက်မောတယ်။
အဆင်းလှတာ သဘောကျတယ်။
အသံကောင်းတာ သဘောကျတယ်။
အနံ့မွှေးတာ သဘောကျတယ်။
ဟင်းကောင်းကြိုက်တယ်။
တွယ်တာမှုတွေ အားကြီးတယ်။
လောဘတွေ အားကြီးတယ်။

ဒီစရိုက်တွေ များလာပြီဆိုရင် ဘာနဲ့ ဖျောက်ဖို့ကြိုးစားမလဲ။
အဘိဓမ္မတ္ထသင်္ဂဟကျမ်းမှာ ကမ္မဋ္ဌာန်း ၄၀ လို့ဆိုပြီး
ထိုထိုကျမ်းဂန်တွေကနေထုတ်ပြီးတော့ မှတ်တမ်း
တင်ထားတယ်။ အဲဒီအထဲမယ်
“ရာဂစရိုက်” ရှိတဲ့ ပုဂ္ဂိုလ်တဲ့အတွက်
“အသုဘဘာဝနာ-မတင့်တယ်မှု” ကို
ဆင်ခြင်စဉ်းစားမှု အရေးကြီးဆုံးပဲ။

သူက ဘာဖြစ်လို့တုန်းဆိုတော့ အမြဲတမ်း လှတယ်ချည့်တွေးနေတဲ့ ပုဂ္ဂိုလ်ကိုး။ အဲဒီတော့ မလှဘူး၊မစင်ကြယ်ဘူးဆိုတာ မြင်အောင် ကြည့်ဖို့ပေါ့။

အဲဒါမှ သူ့ရဲ့ တွယ်တာမှုကို လျှော့ချနိုင်မှာ။
“အသုဘာ ဘာဝေတဗ္ဗာ ရာဂဿ ပဟာနာယ”-
ရာဂစရိုက်ကို ဖယ်ရှားနိုင်ဖို့အတွက်
“အသုဘ ကမ္မဋ္ဌာန်း” ကို ပွါးပါတဲ့။

အေး၊လူတွေက အသုဘလို့ ဆိုလိုက်တာနဲ့ တစ်ပြိုင်နက် ဟို-မသာအိမ်သွား အောက်မေ့နေတယ်နော်။

အသုဘ ဆိုတာ အသက်ရှင်နေတုန်းလည်းပဲ
“အသုဘ” ၊ “အသုဘ” ဆိုတဲ့စကားလုံးက မတင့်တယ်ဘူး။

ရွံစရာကောင်းတယ်။ကဲ- ကိုယ့်ကိုယ်ကို ရွံစရာ
ကောင်း၊ မကောင်း ကိုးပေါက်ဒွါရကနေ
ထွက်နေတာတွေကို နမ်းကြည့်ပေါ့။
အတွင်းထဲမှာ မွှေးကြိုင်နေတယ်ဆိုတာ တစ်ခုမှမရှိဘူးနော်။

မျက်စိကထွက်ရင် မျက်ချေး၊
နှာခေါင်းကထွက်ရင် နှပ်ချေး၊
(အမယ် နန်းတော်သူတွေကတော့ မျက်ချေးကို
“မျက်ဝတ်”လို့ခေါ်လိုက်သေးတာနော်။နာမည်လေးကိုလှလှပပ ထားပြီးတော့ ရွံစရာမကောင်းအောင်လို့။)

နှာခေါင်းကထွက်တော့ နှပ်ချေး၊
နားကထွက်တော့ နားဖာချေးပေါ့။
အဲဒီလို ခန္ဓာကိုယ်က ထွက်သမျှ အရာတွေဟာ
သိမ်းထားလို့ရတဲ့ဟာ တစ်ခုမှ မရှိဘူး။
မွှေးကြိုင်တယ် ဆိုတာလည်းတစ်ခုမှ မရှိဘူး။

လူတွေမွှေးကြိုင်တယ်ဆိုတာ ပြင်ပကခေတ္တခဏ
လိမ်းကျံထားတဲ့ အနံ့ကမွှေးတာ။
လူက မွှေးတာ မဟုတ်ဘူး။
စနိုးလိမ်းထားရင် စနိုးက၊
ပေါင်ဒါလိမ်းထားရင် ပေါင်ဒါက မွှေးတာနော်။
ရေမွှေးဆွတ်ထားရင် ရေမွှေးက မွှေးတာ။
အဲဒါကို လူကမွှေးတယ် ထင်နေကြတာ။
အဲဒီတော့ လူရဲ့ခန္ဓာကိုယ်ဟာ မွှေးတယ်၊ကြိုင်တယ်ဆိုတာ
တစ်ခုမှမရှိဘူး။ ဒါစဉ်းစားဖို့ ပြောတာနော်။

အဲဒီလို စဉ်းစားဆင်ခြင် တတ်လာမယ်ဆိုရင်
လှပတယ်၊တင့်တယ်တယ်ဆိုတာ မရှိဘူးတဲ့။
ရွံစရာကောင်းတယ်ဆိုတာတွေ တွေ့လာမှာပဲ။
အဲဒီလို ရွံစရာကောင်းတာတွေကို တွေးပြီးတော့
ရာဂစိတ်ကို ပယ်ဖျောက်ရမယ်တဲ့။
တွယ်တာမှုကို လျှော့ချရမယ်။
ဒါက “ရာဂစရိုက်ကို ပြုပြင်တဲ့နည်းတစ်နည်း” ပေါ့နော်။

ကေသာ၊လောမာ၊နခါ၊ဒန္တာ၊တစော၊ဆံပင်၊မွှေးညင်း၊
ခြေသည်း၊လက်သည်း၊သွား၊အရေ၊ ခန္ဓာကိုယ်ကြီးကို
တစ်ခုစီ၊ တစ်ခုစီ ဖျက်ချကြည့်လိုက်။
ဆံပင်ကလည်း ခေါင်းပေါ်မှာတော့ လှနေတယ်လေ။

အဲဒီ ခေါင်းပေါ်ကဆံပင်လေးတစ်ခုဟာ ထမင်းပန်းကန်ထဲ
ရောက်သွားရင် ရွံစရာကောင်းတယ်။
လူက အဲဒီကျမှ ရွံစရာကောင်းမှန်း သိတာ။
ခေါင်းပေါ်နေတုန်းကတော့ အရောင်အမျိုးမျိုးဆိုးပြီး
အလှအပတွေလုပ်၊အမွှေးအကြိုင်တွေ လိမ်း
ဒီလို လုပ်ကြတယ်။

အဲဒီတော့ ခေါင်းပေါ်မှာရှိတဲ့ဆံပင်နဲ့ ကျွတ်လာတဲ့
ဆံပင်ဟာ အတူတူပါပဲ။အတူတူပဲ။
အဲဒီလို ဆံပင်မွှေးညင်း၊ခြေသည်းလက်သည်း၊သွား၊
အရေ၊ခန္ဓာကိုယ်မှာရှိတာတွေ သဘာဝရဲ့ မလှပ၊
မတင့်တယ်မှုတွေကို ဆင်ခြင်စဉ်းစားပေးခြင်းအားဖြင့်
ရာဂစရိုက်ကို လျှော့ချပေးလို့ရပါတယ်။

“ဒေါသစရိုက်”

ဒါဖြင့် “ဒေါသစရိုက်” ကိုတော့ ဘာနဲ့လျှော့ချရမလဲ
ဆိုလို့ရှိရင် ဒေါသဆိုတာ ဘယ်အာရုံပေါ်မှာမှ
သူက ကြည်လင်တာ မဟုတ်ဘူး။
အမြဲတမ်း မုန်းတီးမှုနဲ့ ဆက်ဆံနေတယ်။
ဒါကြောင့်မို့ ဒေါသစရိုက်ကို ဖယ်ရှားဖို့ရာကျတော့
ကိုယ့်ရင်ထဲ၊နှလုံးသားထဲမှာ “မေတ္တာတရား” ကို
ဖြစ်ပွါးအောင် ကြိုးစားရမယ်။

“မေတ္တာ ဘာဝေတဗ္ဗာဒေါသဿ ပဟာနာယ” တဲ့။
အမုန်းတရားလို့ ဆိုတဲ့ ဒေါသစရိုက် ပျောက်သွားအောင်
မေတ္တာတရားကို မိမိရင်ထဲမှာ ဖြစ်ပွါးအောင်ကြိုးစားပါတဲ့။
အများအကျိုးကို လိုလားခြင်းဆိုတဲ့ မေတ္တာကို
တည်ဆောက်တဲ့အခါမှာ “ခန္တီ”ဟာ များစွာ
အကူအညီပေးတယ်။

ဒါကြောင့်မို့ သည်းခံခြင်း၊ခွင့်လွှတ်ခြင်းဖြင့် မေတ္တာတရားကို
ထိန်းသိမ်းထားပြီး၊ဒေါသတရားကို ဖယ်ရှားနိုင်အောင်
ကြိုးစားရမယ်။

အဲဒီလို မကြိုးစားနိုင်လို့ အကျင့်ကြီး ပါသွားပြီဆိုရင်
လူဖြစ်ရင်လည်း လူစိတ်တိုကြီးဖြစ်တယ်။
တိရစ္ဆာန် ဖြစ်ရင်လည်း ကျားတို့၊ ခြသေ့င်္တို့
ဒေါသကြီးတဲ့ အကောင်မျိုးတွေ သွားဖြစ်တယ်။
အဲဒီလို မဖြစ်ရအောင် သိတတ်တဲ့ဘဝမှာ မေတ္တာတရားများများ ပွါးပြီးတော့၊ အဲဒီစရိုက် ပျောက်ဖို့ရာအတွက်
ကိုယ့်ရဲ့နှလုံးသားကို မေတ္တာတရားတွေနဲ့ ဆွတ်ဖြန်းပေးဖို့
လိုအပ်တယ်တဲ့။

“မောဟစရိုက်”

“မောဟစရိုက်” ပျောက်ဖို့ရာအတွက် ဘာလုပ်မလဲ၊
တရားနာရမယ်။ မောဟစရိုက် ပျောက်အောင်
တရားနာတယ်၊နှလုံးသွင်းတယ်။
မြတ်စွာဘုရားဟောကြားထားတဲ့ တရားရေးသားထားတဲ့
စာအုပ်တွေဖတ်ရှုတယ်၊ လေ့လာတယ်။

မေးမြန်းတယ်၊ဆရာသမားတွေဆီ ချဉ်းကပ်တယ်၊
မသိတာတွေကို မေးတယ်၊အဲဒီလို မေးမြန်းစုံစမ်းခြင်း၊
သင်ယူခြင်း၊ မှတ်သားခြင်းဖြင့် “မောဟစရိုက်” ကို
ပျောက်ကင်းစေနိုင်ပါတယ်။

အဲဒီလို ပညာရလာအောင် လုပ်တဲ့အခါမှာ
အရေးကြီးတာက ဘာလဲဆိုရင် စိတ်ကလေးငြိမ်အောင်နဲ့
မိမိရဲ့သန္တာန်မှာ သတိတရားတွေ ခိုင်မာလာအောင်
လေ့ကျင့်ရမယ်။ “သတိသမ္ပဇည” ထားရမယ်။
သတိရှိလာလို့ရှိရင် ပညာဟာ ရှိလာမှာဖြစ်တယ်။
ဒါကြောင့်မို့လို့ သတိကို ထူထောင်ပေးရမယ်။

“အာနာပါနံ မောဟစရိတဿ”-မောဟစရိုက်ရှိတဲ့
ပုဂ္ဂိုလ်ဟာ သတိလေးထားပြီး ထွက်လေ၊ဝင်လေလေးကို
ရှုမှတ်ပွါးများနေရမယ်။
ဒီလိုနေမယ်ဆိုရင် မောဟစရိုက် နည်းပါးသွားမယ်။
သတိရှိလာတာနဲ့ တစ်ပြိုင်နက် အသိပညာလည်း ရတယ်။

အသိပညာ ရအောင်လည်း ရရာရကြောင်းတွေကို
ဆည်းပူးရတယ်။လေ့လာရတယ်။နာယူရတယ်။
မှတ်သားရတယ်။ ဟော-ဒီလိုနည်းနဲ့ မောဟစရိုက်တွေ
ပျောက်ကွယ်ပြီးတော့ သွားနိုင်တယ်။

စရိုက်ဆိုးတွေကို ဒီဘဝမှာ ပြင်ရင်ပြင်၊
မပြင်လို့ရှိရင် သံသရာမှာ စရိုက်ဆိုးတွေနဲ့ပဲ
ကျင်လည်ကြရမှာဖြစ်တယ်။
လူ့ဘဝ ရောက်လာရင်ပဲ စရိုက်ဆိုးတဲ့လူ၊
လောကလူတွေ ကြည့်လေ၊တစ်ယောက်နဲ့
တစ်ယောက် စရိုက်မှ မတူတာ။
စရိုက်ဆိုးတဲ့လူတွေ ရှိတာပဲ။
စရိုက်ကောင်းတဲ့လူတွေ ရှိသလို ၊
စရိုက်ဆိုးတဲ့ လူတွေ ရှိတာပဲ။

ဒီဘဝမှာ မပြင်ဘူးဆိုလို့ရှိရင် နောင်ဘဝမှာလည်းပဲ
အကျင့်ကြီးတွေ ပါသွားမှာပဲ။
အဲဒီ မကောင်းတဲ့ အကျင့်ကြီးတွေ ပါသွားပြီ
ဆိုလို့ရှိရင် အဲဒီစရိုက်ဟာ နောက်ဆုံးမှာ
ဖျောက်လို့မရနိုင်တဲ့ အဆင့်ထိအောင်
ရောက်သွားပြီးတော့၊ အထုံဝါသနာကြီး ပါပြီးတော့
ဘုရားတောင်မှ ချွတ်ဖို့ရာ ခက်သွားတယ်။
ဥပမာမယ် “ဖွတ်ဖို့၊လျှော်ဖို့ မလွယ်ကူတဲ့ လက်နှီးစုတ်”လို ဖြစ်သွားမှာပေါ့နော်။

မကောင်းတဲ့စရိုက်တွေ ကိုယ့်စိတ်မှာ လွှမ်းမိုးသွားပြီ
ဆိုလို့ရှိရင် သံသရာ နစ်မွန်းသွားနိုင်တယ်တဲ့။
ဒါကြောင့်မို့လို့ ဒီလို ဗုဒ္ဓမြတ်စွာရဲ့ သာသနာတော်နဲ့
ကြုံတဲ့အခိုက်မှာ …

ရာဂစရိုက်ကိုလည်း လျော့ချဖို့ ကြိုးစားရမယ်။

ဒေါသစရိုက်ကိုလည်း လျော့ချဖို့ ကြိုးစားရမယ်။

မကောင်းတဲ့ မောဟစရိုက်ကိုလည်း လျော့ချဖို့
ကြိုးစားရမယ်။

ကောင်းတဲ့စရိုက်တွေကိုတော့ ကြီးထွားလာအောင်
ထိန်းသိမ်းစောင့်ရှောက်ပြီးတော့ ပေးရမယ်လို့
ဒီလိုမြတ်စွာဘုရား ဟောကြားတော်မူခဲ့တယ်။

အခုလို တရားဓမ္မတွေကို နာယူမှတ်သားပြီးတဲ့အခါမှာ
မိမိတို့ရဲ့ ဘဝမှာ ကောင်းမြတ်တဲ့ စရိုက်တွေကို
မွေးမြူခြင်းဖြင့်၊ ကောင်းမြတ်တဲ့ ဝါသနာတွေနဲ့
နောက်ဆုံးမှာ ထာဝရချမ်းသာတဲ့ အငြိမ်းဓာတ်နိဗ္ဗာန်ကို
မျက်မှောက် ပြုနိုင်မှာဖြစ်တယ်လို့ အားလုံးသဘောကျပြီး
ဝါသနာတို့၊စရိုက်တို့ကို ဖယ်ရှားနိုင်ကြောင်း၊အကျင့်ကောင်းကို
ကျင့်ကြံကြိုးကုတ် အားထုတ်ကာ နိဗ္ဗာန်ချမ်းသာကို
မျက်မှောက်ပြုနိုင်ကြပါစေကုန်သတည်း။ ။

【ပါမောက္ခချုပ်ဆရာတော်ဒေါက်တာ အရှင်နန္ဒမာလာဘိဝံသ】

younhbuddhistassosiation

dhammaransi မှ
တဆင့် ဓမ္မဒါနကူးယူတင်ပြအပ်ပါသည်ခင်ဗျာ

(ဗဟုသုတတိုးပွားပြီး ကုသိုလ်တရား ပွားများနိုင်ကြ
ပါစေခင်ဗျာ)

ပဌာန်းအကြောင်းသိကောင်းစရာ

ပဋ္ဌာန်းအကြောင်းသိကောင်းစရာ
=====================
ယနေ့ ပဋ္ဌာန်းဒေသနာတော်ကို ရွတ်ဆိုနေကြသော
အမျိုးကောင်းသား၊အမျိုးကောင်း
သမီး သူတော်စင်များအနေဖြင့်
၁။ဘာကြောင့်ပဋ္ဌာန်းလို့ခေါ်သလဲ။
၂။ပဋ္ဌာန်းတရားကို ပထမဦးဆုံး ဆင်ခြင်သည့်နေရာ
၃။ပဋ္ဌာန်းတရားကို ဟောကြားခဲ့သော အချိန်
၎။ပဋ္ဌာန်းတရားကို ဟောကြားခဲ့သောနေရာ
၅။ပဋ္ဌာန်းတရားကိုဟောကြားခဲ့သောပုဂ္ဂိုလ်
၆။ပဋ္ဌာန်းတရားကိုဟောကြားခဲ့သော ရည်ရွယ်ချက်
၇။ပဋ္ဌာန်းတရားကိုဟောကြားခဲ့သော ရက်ပေါင်း
၈။ပဋ္ဌာန်းတရားကို ပြန့်ပွားအောင်ဖြန့်ဖြူးခဲ့သော ပုဂ္ဂိုလ်
၉။ပဋ္ဌာန်းတရားကျယ်ဝန်းပုံ
၁၀။ပဋ္ဌာန်းတရားတော်ရွတ်ဆိုရခြင်းကြောင့် ရရှိနိုင်သော
အကျိုးတရားများ၊ဤဆယ်ချက်ကို
အကျဉ်းချုပ်သိထားဖို့လိုပါတယ်။

၁။ဘာကြောင့်ပဋ္ဌာန်းလို့ခေါ်သလဲဆိုရင်
●●●●●●●●●●●●●●●

ပဋ္ဌာန်းဆိုတဲ့ ဝေါဟာရသည် ပဋ္ဌာန ဆိုတဲ့ပါဠိကနေ ဆင်းသက်လာတာပါ။
ပဋ္ဌာန=အမျိုးမျိုးသော အကြောင်း
ပဋ္ဌာန=ဝေဖန်ခြင်း
ပဋ္ဌာန=ကျက်စားသွားလာရာသို့ ဆိုပြီး
အနက်သုံးမျိုးထွက်ပါတယ်။ထို့ကြောင့်
(က)။အကြောင်းအမျိုးမျိုးကိုဟောတတ်သော
ကြောင့် ပဋ္ဌာန်း။
(ခ)။ကုသိုလ်စသော တရားတို့ကို (၂၄)ပစ္စည်းတို့ဖြင့်
ဝေဖန်ထားသောကြောင့် ပဋ္ဌာန်း။
(ဂ)။သဗ္ဗညုတဥာဏ်၏လွတ်လွတ်လပ်လပ် ကျက်စားသွားလာရာကျမ်းဖြစ်သောကြောင့်
ပဋ္ဌာန်းဟုခေါ်ဆိုခြင်းဖြစ်ပါတယ်။

(၂)။ပထမဆုံး ဆင်ခြင်သည့်နေရာ
●●●●●●●●●●●●●

ပဋ္ဌာန်းတရားကို မြတ်စွာဘုရား ဘယ်နေရာမှာ
ပထမဦးဆုံး စတင်ဆင်ခြင်ခဲ့သလဲလို့ဆိုတော့
မြတ်စွာဘုရားရှင်သည်
မဟာသက္ကရာဇ် (၁၀၃)ခုနှစ်မှာ
ဘုရားအဖြစ်သို့ ရောက်တော်မူပြီးနောက်
(၂၁)ရက်အလွန် (၂၂)ရက်မှစ၍ ရတနာဃရ
စတုတ္ထသတ္တာဟ၌ စံနေတော်မူခိုက်
အဘိဓမ္မာ(၇)ကျမ်းကို သုံးသပ်ဆင်ခြင်တော်မူပါတယ်။

ရှေ့ခြောက်ကျမ်းကို သုံးသပ်တော်မူပြီးသည့်အထိ
ရောင်ခြည်တော် ခြောက်သွယ် မထွက်ပေါ်မကွန့်မြူးသေးပဲ၊ပဋ္ဌာန်းဒေသနာ
တော်ကြီးကို သုံးသပ်ဆင်ခြင်တဲ့ အခါမှသာ ရောင်ခြည်တော်ခြောက်သွယ် ထွက်ပေါ်တော်မူလာတာပါ။(ဥပမာ)ကြီးမားတဲ့ငါးကြီးတွေဟာ ကျဉ်းမြောင်းတဲ့ မြစ်ချောင်း အင်းအိုင်မှာလှုပ်ရှားခွင့်မရဘဲ မဟာသမုဒ္ဒရာကြီးထဲမှာသာ စိတ်ကြိုက်မြူးတူးလှုပ်ရှားခွင့်ရသလို မြတ်စွာဘုရားရှင်၏ သဗ္ဗညုတဥာဏ်တော်ကြီးသည်လည်း
ပဋ္ဌာန်းဒေသနာတော်ကို ဆင်ခြင်သော အခါမှသာ ရောင်ခြည်တော်များ
ထွက်ပေါ်ကွန့်မြူးသည်ထိ
ကျက်စားနိုင်ခဲ့ပါတယ်။

ဒါကြောင့် နေအထောင် လအသောင်းနဲ့နှိုင်းစာလို့မရအောင် ဂုဏ်ရောင်ဆောင်တဲ့ ရောင်ခြည်တော်ခြောက်သွယ်ကို ထွက်ပေါ်စေတာဟာဖြင့် ဤပဋ္ဌာန်းတရားတော်ကြီး၏ ထူးခြားချက်ပဲဖြစ်ပါတယ်။

ဒီပဋ္ဌာန်း တရားတော်ကြီးကို စတုတ္ထသတ္တာဟ ရတနာဃရ
စံအိမ်တော်မှာ စတင်ဆင်ခြင်ခဲ့တယ်လို့ မှတ်သားထားရပါမယ်။
ယနေ့ ဗုဒ္ဓဘာသာဝင်တို့ တလူလူလွှင့်ထူနေကြတဲ့
သာသနာ့အလံတော်ဟာ ရောင်ခြည်တော်ခြောက်သွယ်ကို အမှတ်အသားပြုထားတဲ့ အလံတော်ဖြစ်ပါတယ်။ဒီသာသနာ့အလံတော်ကိုမြင်တိုင်း ဒီသာသနာ့အလံတော်ကို
အသုံးပြုတိုင်း ပဋ္ဌာန်း တရားတော်ကြီးကို
သတိရနေကြရမှာဖြစ်ပါတယ်။

၃။ဟောကြားခဲ့သောအချိန်
●●●●●●●●●●

ပဋ္ဌာန်းတရားတော်ကြီးကို ဘယ်အချိန်မှာ
ဘယ်ကာလမှာ ဟောခဲ့ပါသလဲဆိုတော့ မြတ်စွာဘုရားရှင် ၆-ဝါ အလွန်၊
(၇)ဝါအရောက် သက်တော်(၄၂)နှစ်အရွယ်မှာ
ဟောကြားခဲ့တယ်လို့မှတ်သားနိုင်ပါတယ်။

၎။ဟောကြားခဲ့သောနေရာ
●●●●●●●●●●

ပဋ္ဌာန်းတရားတော်ကြီးကို ဘယ်နေရာမှာဟောခဲ့ပါသလဲဆိုရင် မြတ်စွာဘုရားရှင်ဟာ တာဝတိံသာနတ်ပြည် ပင်လယ်ကသစ်ပင်အရင်း ပဏ္ဍုကမ္ဗလာကျောက်ဖျာထက်မှာ
ဟောခဲ့ပါတယ်။

၅။ဟောကြားခဲ့သော ပုဂ္ဂိုလ်
●●●●●●●●●●●

ပဋ္ဌာန်းဒေသနာတော်ကြီးကို ဘယ်သူတွေဟောခဲ့သလဲလို့
ဆိုတော့ မြတ်စွာဘုရားရှင်ဟာ နတ်ဗြဟ္မာတို့ကိုဟောကြားခဲ့တယ်လို့သိနိုင်ပါတယ်။

၆။ဟောကြားခဲ့သော ရည်ရွယ်ချက်
●●●●●●●●●●●●●

ပဋ္ဌာန်းတရားတော်ကြီးကို ဘာရည်ရွယ်ချက်နဲ့
ဟောကြားခဲ့ပါသလဲလို့ ဆိုရင် မြတ်စွာဘုရားရှင်ဟာ
မယ်တော်ဖြစ်ခဲ့ဘူးသော သန္တုဿိတနတ်သားကို
အကြောင်းပြု၍ နိုးဖိုးဆပ်တရားအဖြစ် ကျေးဇူးဆပ်လို၍ဟောကြားခဲ့ခြင်းဖြစ်ပါတယ်။

၇။ဟောကြားခဲ့သော ရက်ပေါင်း
●●●●●●●●●●●●●

ပဋ္ဌာန်းကျမ်းကို ရက်ပေါင်းမည်မျှကြာအောင်
ဟောခဲ့သလဲလို့ဆိုတော့ ရက်အတိအကျမဟုတ်သော်လည်း ခန့်မှန်းတွက်ချက်ကြည့်ချက်အရ
အဘိဓမ္မာ(၇)ကျမ်းကို
တာဝတိံသာနတ်ပြည်မှာ ရက်ပေါင်း(၉၀)၊(၃)လကြာအောင်ဟောကြား
တော်မူရာ ဓမ္မသင်္ဂဏီ(၁၂)ရက်၊
ဝိဘင်း(၁၂)ရက်၊
ဓာတုကထာ(၆)ရက်၊၊
ပုဂ္ဂလပညတ္တိ(၇)ရက်၊
ကထာဝတ္ထု(၈)ရက်၊
ယမိုက်(၂၀)ရက်၊
ပဋ္ဌာန်းကျမ်း(၂၅)ရက် အသီးသီးဟောခဲ့တယ်လို့ အဆိုရှိပါတယ်။

၈။ပဋ္ဌာန်းတရား ပြန့်ပွားအောင် ဖြန့်ဖြူးပေးခဲ့သော ပုဂ္ဂိုလ်
●●●●●●●●●●●●●

ပဋ္ဌာန်းတရား ပြန့်ပွားအောင်မည်သူက စတင်ဖြန့်ဖြူးခဲ့ပါသလဲဆိုတော့
ပဋ္ဌာန်းတရားကို မြတ်စွာဘုရားရှင်က
တာဝတိံသာနတ်ပြည်မှာ နတ်ဗြဟ္မာတို့ကို အကျယ်အားဖြင့်ဟောတော်မူခဲ့ပါတယ်။

အရှင်သာရိပုတ္တရာကိုဟောတော်မူတဲ့အခါ အရှင်သာရိပုတ္တရာသည် မြတ်စွာဘုရားပြီးရင် ပညာအကြီးဆုံး အဂ္ဂသာဝကကြီးဖြစ်တော်မူလို့ အကျဉ်းနည်းနဲ့ဟောတော်မူတာပါ။
ထိုမှတစ်ဆင့် အရှင်သာရိပုတ္တရာက လင်းနို့သားငါးရာဖြစ်ခဲ့ဖူးသော တပည့်ရဟန်းငါးရာကို မကျဉ်းမကျယ် အလယ်အလတ်နည်းဖြင့်သင်ကြားပို့ချဟော
တော်မူခဲ့ပါတယ်။
ဒါကြောင့်ပဋ္ဌာန်းတရားတော်ကြီးကို ယနေ့ရဟန်း ရှင်လူတို့ နာယူ သင်ကြားပို့ချနေနိုင်ခြင်းမှာ အရှင်သာရိပုတ္တရာကိုယ်တော်မြတ်ကြီး၏
ကျေးဇူးကြောင့်ဆိုတာ သိထားရပါမယ်။
ပဋ္ဌာန်းတရားပြန့်ပွားအောင် အရှင်သာရိပုတ္တရာက စတင်ဖြန့်ဖြူးခဲ့တယ်လို့အသိမှတ်ပြုရမှာ
ဖြစ်ပါတယ်။

၉။ပဋ္ဌာန်းတရားကျယ်ဝန်းပုံ
●●●●●●●●●●●

ပဋ္ဌာန်းတရား ဘယ်ပုံကျယ်ဝန်းသလဲဆိုတဲ့ အချက်ကို ပြောကြည့်ရင်
ဒီကမ္ဘာလောကကြီးမှာ အကျယ်ဝန်းဆုံးဖြစ်တဲ့
အရာဌာနကြီး ၄ခုရှိပါတယ်။
အဲဒီ(၄)ခုကဘာလဲလို့ဆိုတော့
(၁)။သံသာရ သာဂရ=သံသရာပင်လယ်ကြီး။
(၂)။ဇလ သာဂရ=ရေပင်လယ်ကြီး။
(၃)။နယသာဂရ=နည်းပင်လယ်ခေါ်တဲ့ပဋ္ဌာန်းကျမ်းကြီး။
(၄)။ဥာဏသာဂရ=ဥာဏ်ပင်လယ်ကြီးလို့ခေါ်တဲ့ ဘုရားသခင်၏ သဗ္ဗညုတ ဥာဏ်တော်ကြီး။

ဒီသာဂရ (၄)မျိုးတို့တွင် ပဋ္ဌာန်းကျမ်းကြီးက
အလွန်ကျယ်ဝန်းလှတဲ့ နယသာဂရကြီးအဖြစ်
မှတ်တမ်းတင်ခြင်းခံရပါတယ်။ဒါကြောင့် အနန္တနယသမန္တပဋ္ဌာန်းကျမ်းကြီးလို့ခေါ်ဆိုကြတာပါ။

ပဋ္ဌာန်းကျမ်းကြီးရဲ့ကျယ်ဝန်းပုံကတော့ ပဋ္ဌာန်းပါဠိတော်သည် ဆဋ္ဌသံဂါယနာတင်ပါဠိတော်အုပ်ရေအားဖြင့် (၅)အုပ်ရှိပြီး စာမျက်နှာပေါင်း
(၂၆၄၀)တိတိရှိပါတယ်။
အသံမစဲ မနားတမ်းရွတ်ဖတ်သွားမယ်ဆိုရင် နာရီပေါင်း(၁၃၂)နာရီ
ရွတ်ဖတ်ရပါမယ်။ပေယျာလ(မြှုပ်ကွက်)တွေကိုဖော်ပြီးရွတ်မယ်ဆိုရင် တစ်သက်လုံးရွတ်ဖတ်လို့မကုန်နိုင်လောက်
အောင်များတယ်လို့ဆိုပါတယ်။
သာမန်သူလို ကိုယ်လို ပုဂ္ဂိုလ်မျိုးကို
မဆိုထားဘိ၊ဂါထာပေါင်း တစ်သောင်းငါးထောင်၊ပုဒ်ပေါင်းခြောက်
သောင်းကို ခဏချင်းသင်ယူနိုင်သော အရှင်အာနန္ဒာ၊မိုးသီးမိုးပေါက်ကိုပင်တစ်လုံး
ချင်းရေတွက်နိုင်သောအရှင်သာရိပုတ္တရာသော်မှ ဤပဋ္ဌာန်းဒေသနာတော်ကို မြတ်စွာဘုရားဟောသည့်အတိုင်း အပြည့်အစုံရွတ်ဆိုဖို့မလွယ်ကူပါ။

ပဋ္ဌာန်းကျမ်းတော်ကြီးမှာ ပါဠိအနေအားဖြင့် အနန္တ အပရိမာဏ အဆုံးအပိုင်းခြားမရှိအောင် ကျယ်ဝန်းလှသောကျမ်းကြီးဖြစ်၍
ထိုကျမ်းကြီး၏ ပုဒ်အစဉ်နှင့်အနက်အဓိပ္ပါယ်ကို ပြည့်ပြည့်စုံစုံတစ်စုံတစ်ယောက်က ဖွင့်ပြမည်ဟု ကြိုးစားခဲ့လျှင် အသက်သာကုန်ဖွယ်ရာရှိပါတယ်။ပဋ္ဌာန်းကျမ်း
ကြီးကတော့ ကုန်နိုင်မည်မဟုတ်ဟု ဥဒါန်းစကားပင်ရှိနေပါတယ်။
ဒါဖြင့်ရင် ဤမျှလောက်ကျယ်ဝန်းတဲ့ ပဋ္ဌာန်းကျမ်းကြီးကို မြတ်စွာဘုရားရှင်(၂၅)ရက်အတွင်းပြီးစီးအောင်
ဟောတော်မူနိုင်ခြင်းနှင့်ပတ်သတ်ပြီး မြတ်စွာဘုရားစကားတော် လျင်မြန်ပုံအကြောင်းကိုသိထားရပါမည်။

(က)။ပကတိသာမန်လူသားများ စကားတစ်ခွန်းပြောတဲ့အချိန်မှာ အရှင်အာနန္ဒာက (၈)ခွန်းထိပြီးစီးအောင်ပြောနိုင်ပါတယ်။
(ခ)။အရှင်အာနန္ဒာက စကားတစ်ခွန်းပြောဆိုတဲ့အချိန်မှာ
မြတ်စွာဘုရားရှင်က (၁၆)ခွန်းထိပြောဆိုနိုင်ပါတယ်။
(ဂ)။ပကတိသာမန်လူတစ်ယောက်စကားတစ်
ခွန်းပြောဆိုချိန်မှာ မြတ်စွာဘုရားရှင်က (၁၂၈)ခွန်းပြီးအောင်ပြောဆိုနိုင်တာကြောင့် ဟောကြားနိုင်ခဲ့တယ်လို့သိရပါတယ်။မြတ်စွာဘုရားရှင်ဤမျှလောက်စကားတော်
လျင်မြန်ရခြင်းကလည်း ဘဝပေါင်းများစွာပါရမီတော်တွေကိုဖြည့်ကျင့်ခဲ့တဲ့ပါရမီတော်တွေကြောင့်လည်းကောင်း၊သဗ္ဗညုတဥာဏ်တော်ကြောင့်လည်းကောင်းစတဲ့
အချက်တွေကြောင့် စကားတော်လျင်မြန်ရခြင်းအကြောင်း
တရားလေးပါးရှိပါတယ်။

၁။ဇိဝှါမုဒု=လျှာတော်၏ကျယ်ပြန့်ပါးလျနူးညံ့ခြင်း
၂။ဒန္တဝရဏံ သုဖုသိတံ=နှုတ်ခမ်းတော် စေ့စပ်ထိမိခြင်း။
၃။ဝစနံ အဂနိတံ=ပြောရာ ဟောရာ အခါ၌ လုံးကြွင်းလုံးကျ အထစ်အငေါ့မရှိခြင်း။
၎။ဘဝင်္ဂပရိသောလဟုကော=ဘဝင်စိတ်
အယဉ်လျင်မြန်ခြင်းတို့ကြောင့်ဖြစ်ပါတယ်။

၁၀။ ပဋ္ဌာန်းရွတ်ဆိုခြင်းကြောင့်ရနိုင်သောအကျိုးတရားများ
●●●●●●●●●●●●●
ပဋ္ဌာန်းတရားတော်များကို ရွတ်ဆိုပူဇော်ခြင်း၊သင်ကြားနာယူခြင်း၏အကျိုးတရားများမှာ
(၁)။လင်းနို့သားဖြစ်ခဲ့ဖူးသော ရဟန်းတော်များကဲ့သို့
ရုပ်နာမ် ဓမ္မ ခန္ဓာစဉ် သဘာဝပိုင်းခြား ဝေဖန်တတ်သော
နာမရူပ ပရိစ္ဆေဒဥာဏ်ရင့်သန်စေခြင်းဟူသော
ပထမအကျိုးတရား။
(၂)။မဂ်၊ဖိုလ်နိဗ္ဗာန် ရောက်ရာလမ်းကြောင်း အထောက်အပံ့ကောင်း ဖြစ်နိုင်ခြင်းဟူသော ဒုတိယအကျိုးတရား။
(၃)။ဘေးဥပါဒ် အန္တရာယ် ရန်အသွယ်သွယ်တို့မှ ကင်းဝေး၍ ကိုယ်စိတ်နှစ်ဖြာချမ်းသာအေးမြခြင်းဟူသော တတိယအကျိုးတရား။
(၄)။ကျက်သရေမင်္ဂလာအဖြာဖြာတို့နှင့်ပြည့်စုံခြင်းဟူသော စတုတ္ထအကျိုးတရား များရရှိနိုင်ပါတယ်။ပဋ္ဌာန်းရွတ်ဆို ပွားများခြင်းသည်ဓမ္မဒေသနာကုသိုလ်ဖြစ်ရုံမက သာသနဓမ္မာနုရက္ခိတသာသနာတော်၏ တရားတော်ကို လူ့နှလုံးသားထဲမှာ စောင့်ရှောက်ထိန်းသိမ်းခိုင်မြဲအောင်
ပြုလုပ်ရာရောက်လို့ ကုသိုလ်ထူးများ အကျိုးတရားထူးများ
ရနိုင်ပါတယ်။

အဘိဓမ္မာပြန့်ပွားရေးအသင်းများ၊
အဘိဓမ္မာစာမေးပွဲများ၊
အဘိဓမ္မာသင်တန်းများ၊ပဋ္ဌာန်းသင်တန်းများ၊
အသံမစဲပဋ္ဌာန်းပူဇော်ပွဲများကိုလုပ်ကိုင်ဆောင်ရွတ်နေကြတာဟာဖြင့် ဗုဒ္ဓမြတ်စွာသာသနာတော်ကြီးအတွက် အလွန်ဂုဏ်ယူစရာကောင်းတဲ့လုပ်ရပ်တွေပဲ
ဖြစ်ပါတယ်။ ထို့ကြောင့်မိမိတို့အနေနဲ့ အဘိဓမ္မာပဋ္ဌာန်းတရားတော်များကို တိုးတက်သည်ထက်တိုးတက်အောင် ပြန့်ပွားသည်ထက်ပြန့်ပွားအောင်အကုသိုလ်
စိတ်ကင်းရှင်းစွာဖြင့် စိတ်ဓာတ်ကို ကြည်ကြည်လင်လင်ထားရှိပြီး ပဋ္ဌာန်းတရားတော်ကြီးကိုရွတ်ဖတ်ကြပါ။
နာယူကြပါ။
သင်ယူကြပါလို့နှိုးဆော်သမှုပြုလိုက်ရပါသည်။
●●●●●●●●●●●●●
ဒေါက်တာအရှင်ကောဝိဒါစာရ၏ ပဋ္ဌာန်းအကြောင်းစာအုပ်မှ
မေတ္တာဖြင့် ဓမ္မစကူးလ်ဆုံရာ